First Sem Ki yadein

Wo college mein tujhe pehli bar dekhna

aur dil mein teri tasveer banana

tujhse baat karne ke liye tarasna

aur tujhe chchupee huyee nigahon se dekhna

mujhe aaj bhi yaad hai..............

First Semester ki wo pyar bhari yadein

Tere saath huyi meri kuch batein
GODOWN mein hamari classes ka lagna
pankhe ke neeche baithne ki liye ladna

CS ki class mein Chandra sir ke lecture

Kharya Sir ki class mein ED ke picture

Nazrein chupakar Nagariya sir ka padhana

Us par tera dheere se muskurana

CP ki class mein tere saath baithna

Practical ke bahane tujhse baat karna

Mujhe aaj bhi yaad hai..............................

Tere saath khayi huyi saari phulkiyaan

Tere saath bitayi huyi pyari ghariyan

Garden mein teri meri pyari mulaquatein

Tere saath ki huyi wo saari batein

Auto ko chorkar tere sath chalna

Tere vaaste hi wo auto badalna

Mujhe aaj bhi yaad hai.............................

Welcome ki party mein tera wo gaana

Mere gaane par tera taali bajana

BEE ka wo EC ka question

Padhane ke liye mera padhne ka tension

Meri baaton par tera wo khilkhilana

Nazaquat hai phir se un lamhon ka aana

Prayer mein gaya hua mera gaana

Mujhe dekhkar tera yun muskurana

Foundation Day mein wo tera sanwarna

Mere dil pe tera wo vaar karna

Valentine day par mera kuch na kehna

Pehli baar tera hairstyle badalna

Tere saath bitayi huyi pehli holi

Chehron par apne thi khushi ki rangoli

Aur Yeh sab

Mujhe aaj bhi yaad hai...................

Tere liye gaaya hua har ek gaana

Gaano mein tha mere dil ka fasana

Antakshari ka wo pyara sa khel

Gaano ke jariye dilon ka tha mel

FT mein aakar ke tujhse bichadna

Hamare beech yun faslon ka badhna

Magar tune na mujhse pucha kabhi bhi

Ki kya haal hai mere dil ka abhi bhi

Mujhe aaj bhi yaad hai...........

Pari hai tu koi ya phir hai shahjadi

Mere dil ko kyun hai tu itna satati

Jab bhi tujhe dekhta hun main aise

Tu najre jhukakar hai chehra chipati

Magar tune mujhko kabhi apna na mana

Tere liye tha main hardam begana

Tabhi to main kehta hun dil se ye apne

Kambakht ab kabhi bhi kisi pe na aana...........................